Daveedinte Irippidam | ദാവീദിന്റെ ഇരിപ്പിടം

Daveedinte Irippidam (ദാവീദിന്റെ ഇരിപ്പിടം)

വാട്‌സാപ്പ് അറിവുകളുടെ ഒരു വിജ്ഞാനകോശം മുതൽ മഹാപ്രളയത്തെ തടുക്കാൻ തവളരാജാവിന് ലഭിക്കുന്ന തിരുമുൽക്കാഴ്ച്ച വരെ—കാലത്തിന്റെ വിചിത്രതകളെ കഥകളാക്കി മാറ്റുന്ന സമാഹാരമാണ് ദാവീദിന്റെ ഇരിപ്പിടം.

അന്താരാഷ്ട്ര ക്രിക്കറ്റിനിടയിൽ മറഞ്ഞിരിക്കുന്ന ‘അവിശുദ്ധ’ കളികൾ, അതിരുകൾക്കപ്പുറം ഉറക്കമുണർന്നു നാടു ചുട്ടെരിക്കാൻ കാത്തിരിക്കുന്നവർ, തലകൾക്കു മേൽ തലകൾ വെട്ടിയൊട്ടിക്കുന്നവരുടെ മനഃശാസ്ത്രം, അമേരിക്കയും യൂറോപ്പും മതിയാകാതെ പുതിയ മേച്ചിൽപ്പുറങ്ങൾ തേടിപ്പോകുന്ന യുവത്വം—അവർ വിട്ടുപോയ വയോധികരുടെ സ്വന്തം നാട്—ഇങ്ങനെ ഒരുപിടി ഇതിവൃത്തങ്ങൾ ഇവിടെ ജീവൻകൊണ്ട കഥകളാകുന്നു.

സമകാലിക സമൂഹത്തിന്റെ വൈരുദ്ധ്യങ്ങളും ഭീതികളും ആകാംക്ഷകളും സൂക്ഷ്മമായി പിടിച്ചെടുത്ത്, വായനക്കാരനെ ചിന്തയിലേക്കു തള്ളിവിടുന്ന ശക്തമായ കഥാസമാഹാരം.