Mankind Literature

AGARTHA | അഗർത്ത സൂഫിയായും അഘോരിയായും ഹിമാലയ സാനുക്കളിലൂടെ ആത്മാംശം തേടി അലഞ്ഞ നൂറുൽ മുനീറുൽ പൂർണ്ണാനന്ദയുടെ ആത്മീയ യാത്ര തുടരുകയാണ് അഗർത്ത. സധൈര്യമായ തുറന്നുപറച്ചിലുകളിലൂടെ വായനക്കാരുടെ നെഞ്ചിടിപ്പ് കൂട്ടുന്ന ഒരു മുസ്ലിം സത്യാന്വേഷിയുടെ കഥയാണ് ഈ നോവൽ.അന്വേഷണത്തിന്റെയും അനുഭവത്തിന്റെയും വഴികളിലൂടെ ആത്മശാന്തിയിലേക്കുള്ള മനുഷ്യന്റെ പ്രയാണം ഹൃദയസ്പർശിയായി ഈ കൃതി അവതരിപ്പിക്കുന്നു. ഇതുവരെ അനുഭവിച്ചറിഞ്ഞിട്ടില്ലാത്ത ആത്മസമാധാനത്തോടെ മാത്രമേ ഈ പുസ്തകം വായിച്ചു തീർക്കാൻ സാധിക്കൂ—അത്രമേൽ ആഴമേറിയ ഒരു ആത്മീയാനുഭവമാണ് അഗർത്ത.

ARDHA VIRAAMANGAL | അർദ്ധ വിരാമങ്ങൾ ബാല്യകാല സുഹൃത്തിൻ്റെ മരണവാർത്ത അറിയുന്ന പത്രപ്രവർത്തകനായ ജോനാഥൻ അയാളുടെ സംസ്‌കാര ചടങ്ങുകളിൽ പങ്കെടുക്കാനായി യാത്ര തിരിക്കുന്നു. ആ യാത്ര സുഹൃത്തിൻ്റെ മരണ കാരണങ്ങളിലേക്ക് എന്നതു പോലെ അയാൾ മറക്കാനാഗ്രഹിച്ച അയാളുടെ ഇന്നലെകളിലേക്ക് കൂടിയാണ് അയാളെ കൊണ്ടു ചെന്നെത്തിക്കുന്നത്. തൻ്റെ ഉറ്റസുഹൃത്തായ കിരണിനൊപ്പം നടത്തുന്ന അന്വേഷണയാത്രയിൽ ജോനാഥൻ കണ്ടെത്തുന്നത് പരേതൻ്റെ ജീവിതത്തിലെ തങ്ങൾക്കറിയാത്ത സൗഹൃദവും പ്രണയവും വഞ്ചനയും നിസ്സഹായവസ്ഥയും രൗദ്രതയും നിറഞ്ഞ അയാളിലെ പല മുഖങ്ങളാണ്

BHRAMAPURAM | ബ്രഹ്മപുരം നമുക്ക് എല്ലാവർക്കും അറിയാവുന്ന പുരണത്തിലെ ഒരു സന്ദർഭത്തെ എടുത്ത് തൻ്റേതായ രീതിയിൽ വ്യാഖ്യാനിക്കാൻ എഴുത്തുകാരൻ നടത്തുന്ന ശ്രമമാണ് ബ്രഹ്മപുരം. ദുർമന്ത്രവാദങ്ങൾ ചെയ്‌തു ഒരു ഗ്രാമത്തെ നശിപ്പിക്കാൻ ഒരുങ്ങുന്ന ഒരുവനെ തടയാൻ ശ്രമിക്കുന്ന സാധാരണക്കാരനായ മണിയന്റെ കഥ കൂടി പറയുന്നതാണ് ബ്രഹ്മപുരം

ശരത് യു.എസ് എഴുതിയ ‘ബിജിലീസ്’ ഒരു യുദ്ധഭൂമിയായി മാറിയ, പ്രേതങ്ങളുടെ താഴ്വര എന്നറിയപ്പെടുന്ന ഒരു ഗ്രാമത്തെക്കുറിച്ചുള്ള ദുരൂഹ നോവലാണ്. സമ്പദ്‌സമൃദ്ധിയുടെ ശേഷിപ്പുകൾ പേറുന്ന ഈ പ്രദേശം എങ്ങനെ നശിപ്പിക്കപ്പെട്ടു? ഇവിടെയെത്തിയവർ എന്തുകൊണ്ട് തിരിച്ചുപോയില്ല? ഭയത്തിന്റെയും ദുഃഖത്തിന്റെയും മിത്തുകളുടെയും ലോകത്തേക്ക് വായനക്കാരെ കൊണ്ടുപോകുന്ന ഒരു വായനാനുഭവം.