Maranaprakk | മരണപ്രാക്ക്

Maranaprakk | മരണപ്രാക്ക്

മരണത്തിനപ്പുറമുള്ള മറുജീവിതം: മരിച്ചുപോയവർ ജീവിതത്തിലേക്കു തിരിച്ചുവരുന്ന വഴികളിലൂടെയും ജീവിച്ചിരിക്കുന്നവർ മരണത്തിലേക്കു കടന്നുപോകുന്ന വഴികളിലൂടെയുമുള്ള നേരവും കാലവും നോക്കാതെയുള്ള നടത്തമാണ് മരണപ്രാക്ക്. ജീവിതവും മരണവും പരസ്പരം കൈകോർത്തു സഞ്ചരിക്കുന്ന ഒരു നിഗൂഢമായ ലോകമാണ് ഈ നോവൽ തുറന്നു കാണിക്കുന്നത്. ദൂരെയെവിടെയോ കേൾക്കുന്ന മരണപ്രാകിയുടെ കൂകൽ, ഇതാ ഒരുവൻ്റെ മരണം അടുത്തെന്ന സൂചന നൽകുന്നു. ഈ സൂചനകൾ വായനക്കാരെ ആകാംഷയുടെ മുൾമുനയിൽ നിർത്തുന്നു.

എന്നാൽ, മരണത്തെ കേവലം ഒരവസാനമായി കാണുന്നില്ല മരണപ്രാക്ക്. മരണത്തിനു മറുജീവിതം എന്നൊരു അർത്ഥം കൂടിയുണ്ടെന്ന് ഈ നോവലിലൂടെ എഴുത്തുകാരൻ പറഞ്ഞുവക്കുന്നു. ഈ ആശയം നോവലിനെ തത്വചിന്താപരമായി കൂടുതൽ ആഴമുള്ളതാക്കി മാറ്റുന്നു. അതിനുവേണ്ടി എഴുത്തുകാരൻ തഴക്കവും വഴക്കവുമുള്ള തച്ചനെപ്പോലെ ഭാഷയിൽ പണിയെടുത്തിരിക്കുന്നു. വാക്കുകളുടെ ഈ ശില്പചാതുരി ഓരോ വായനയിലും നിങ്ങളെ അത്ഭുതപ്പെടുത്തും; തീർച്ച. ഈ മരണപ്രാക്ക് ഒരു സാധാരണ വായനാനുഭവമല്ല, മറിച്ച് ജീവിതത്തിൻ്റെയും മരണത്തിൻ്റെയും രഹസ്യങ്ങളെ അനാവരണം ചെയ്യുന്ന ഒരു അതിഗംഭീരമായ ദാർശനിക യാത്രയാണ്. ഭാഷയുടെ സൗന്ദര്യവും, പ്രമേയത്തിൻ്റെ ആഴവും ഒരുമിക്കുന്ന ഈ കൃതി, മികച്ച സാഹിത്യ വായന ഇഷ്ടപ്പെടുന്നവർക്ക് ഒരു മുതൽക്കൂട്ട് തന്നെയാകും.